Кыайыы парада: Хайахсыт нэһилиэгэ
08.05.2025 12:07
1941-1945 сс. Аҕа дойду Улуу сэриитигэр Кыайыы 80 сылыгар анаммыт үбүлүөйдээх парад Хайахсыт нэһилиэгэр ыам ыйын 7 күнүгэр буолан ааста.
“Күнчээн” оҕо саадын кырачаан иитиллээччилэриттэн саҕалаан оскуола оҕолоро, нэһилиэкпит дьоно-сэргэ бары тэҥҥэ мустан, тэринэн, Кыайыы күнүн өрөгөй ырыаларын, үөрэ-көтө ыллаһан үөрүүлээх парадка кытынныбыт.
Иннокентий Гурьевич Теплоухов-Тимофеев аатынан “Алаһа” норуот дьиэтиттэн саҕалаан Кыайыы паамытынньыгар диэри парадтаан тиийдибит.
Кыргыһыы хонуутуттан эргиллибэтэх буойуттарга анаан сүгүрүйүү бэлиэтин – веногу “Үрүн Уолан” байыаннай спортивнай кулууп иитиллээччилэрэ, улуустааҕы “Снежный Барс” күрэх кыттыылаахтара, XI кылаас үөрнэээччилэрэ Коля Бандеров, Вадим Колесов, IX кылаас үөрэнээччилэрэ Валера Борисов уонна Коля Филиппов уурдулар.
Салгыы нэһилиэк баһылыгын солбуйааччыта Василий Ильич Борисов тыыл бэтээрээнигэр Мария Ивановна Петроваҕа, Чурапчы оройуонун хоту көһөрүллүү кыттыылаахтарыгар Иннокентий Иннокентьевич Романовка, Евдокия Романовна Максимоваҕа, байыаннай дьайыылар бэтэрээнигэр Александр Александрович Поисеевка, сэрии сылын оҕолоругар Евдокия Саввична Назароваҕа, Альбина Дмитриевна Илларионоваҕа, Иннокентий Дмитриевич Неустроевка, Мотрена Прокопьевна Сухариноваҕа, Матрена Семеновна Кондратьеваҕа, Марина Егоровна Саввинаҕа, Медербе Тургуньекович Тургенбековка Ил Дархаммыт Айсен Сергеевич Николаев Эҕэрдэ суругун, Улуу Кыайыы үбүлүөйдээх мэтээллэрин, сахалыы иһит, Хайахсыт нэһилиэгин дьаһалтатын, тэрилтэлэрин уонна нэһилиэк Сэбиэтин депутаттарын аатыттан эҕэрдэ суругу, сухой паек, Чурапчы улууһун дьаһалтатын, депутаттарын ааттарыттан эҕэрдэ суругу, Чурапчы улууһун баһылыга Степан Анатольевич Саргыдаев аатыттан Улуу Кыайыы 80 сылынан үбүлүөйдээх бэлиэни туттарда.
Сэрии ыар сылларын этинэн-хаанынан, өйүнэн-санаатынан сүкпүт тыыл бэтэрээнигэр Мария Ивановна Петроваҕа эт-ас тэрилтэтэ эҕэрдэ суругу кытта дьааһык эти туттарда.
Бу күн анал байыаннай дьайыылар кыттыылааҕар Иван Спиридонович Винокуровка Хайахсыт нэһилиэгин, Чурапчы улууһун дьаһалталарын эҕэрдэ суругун, бэлэхтэрин анаатылар.
Людмила Никитична Феофанова салайааччылаах нэһилиэкпит дьахталларын сэбиэтэ мустубут ыалдьыттары полевой куукунанан күндүлээтэ.
Үөрүүлээх парад оһуохайынан түмүктэннэ. Оһуохайы Х кылаас үөрэнээччилэрэ Комила Аржакова, Юлиана Винокурова уонна фольклор учуутала Нарыйаана Федотовна Николаева таһаардылар.
Ити курдук 1941-1945 сс. Аҕа дойдун Улуу сэриитигэр Кыайыы 80 сылыгар аналлаах парад биһиги нэһилиэкпитигэр үөрүүлээхтик тэриллэн түмүктэннэ.
Дьон-сэргэ уйадыйан туран тыыннаахтар умнубат сылларыгар, олох, эйэ иһин турууласпыт аҕа көлүөнэбит хорсун быһыыларыгар сүгүрүйэн, сэрии ыар кэмин турууласпыт аҕа саастаах көлүөнэ хас биирдии дьонун ахтан-санаан ааста.
Эбии хаартыскалары бу сигэнэн киирэн көрүн – https://drive.google.com/drive/folders/1SDnVkNvzQdv1iFJYfK_5DwTNa8JiVXke
Успей оформить Пушкинскую карту до открытия Кинозала!
Тохсунньу 18 күнүнгэр Чурапчы улууһун баһылыга Степан Анатольевич Саргыдаев 2022 сыллаах үлэ түмүгүн биилиһиннэрэр көрсүһүүтэ бэрт сэргэхтик буолан ааста. Нэһилиэк дьоно тохсунньу ый томороон тымныытыттан толлон турбакка кэлэн көхтөөх кыттыыны ыллылар, мунаарар ыйытыыларыгар хоруйдары иһиттилэр, бэйэлэрин ис санааларын, сыанабылларын эттилэр. Улууспут араас тэрилтэлэрин салайааччылара кэлэн ыйытыыларга толору хоруйдары биэрибиттэрэ дьону астыннарда. Нэһилиэк олохтоохторо сыллааҕы отчуоту сөбүнэн сыаналаатылар.
Сиһилии бу ссылканан киирэн көр – https://web.telegram.org/k/#@xayax_alaha
1
6720:08
Тохсунньу 13 күнүгэр Хайахсыт нэһилиэгин пенсионердарыгар аналлаах Саҥа Дьыл бырааһынньыга буолан ааста. Нэһилиэк олохтоохторо кэлэн ыллаан-туойан, үҥкүүлээн-битийэн, оонньоон-көрүлээн, оһуохайдаан олус диэн сэргэхсийэн астынан тарҕастылар.
Сиһилии бу ссылканан киирэн көр – https://web.telegram.org/k/#@xayax_alaha
Тохсунньу 14 күнүгэр Иннокентий Гурьевич Тимофеев-Теплоухов аатынан “Алаһа” норуот айымньытын дьиэтигэр Варвара Николаевна Федорова салалталаах “Сырдык” диэн айылҕаттан айдарыылаахтар түмсүүлэрэ алгыс, арчы сиэрин-туомун оҥордулар. Нэһилиэк олохтоохторо алгыстанан, ыраастанан куттарын-сүрдэрин бөҕөргөттүлэр, туһалаах сүбэлэри ыллылар.
Сиһилии бу ссылканан киирэн көр – https://web.telegram.org/k/#@xayax_alaha
Тохсунньу 5 күнүгэр “Гринч похититель волшебства” диэн о5олорго аналлаах театрализованнай дьүһүйүү, оҕолор киэҥ сэҥээриилэрин ылла.
Ороһуоспа күн “Ыллаа – Туой” студия оҕолоро “Дуораан Ситимэ” инструментальнай ансамбль уонна нэһилиэкпит эдэр талааннаах ыччаттара холбоһуктаах ырыа киэһээтэ кэнсиэр бэлэхтээн аастылар.
Сиһилии бу ссылканан киирэн көр – https://www.youtube.com/@Xayax_Alaha
- Провели улусный вокальный конкурс “Сааскы Кылыһах”
Хайахсыт нэhилиэгин ыччаттара 1987 сыллаахха сынньалан киин директорынан улэлиир Тарас Лукич Тарасов идеятынан комсомол оройуоннаа5ы комитетын сэкиритээрэ Иван Михайлович Андросов эйээhунунэн бутун саха сирин ыччатын хабар ырыа конкурсун тэрийбиттэрин Эрилик Эристиин аатынан совхоз парткомун сэкиритээрэ Семен Иванович Никитин «Сааскы Кылыhахтарынан» – сурэхтээбитэ, ыччат айар дьо5уругар киэн аартыгы арыйбыта. Сыл ахсын устуу кун устата ыытыллар дьаhал нэhилиэк (оройуон)… Читать далее: Провели улусный вокальный конкурс “Сааскы Кылыһах”
Министерство культуры и духовного развития Республики Саха (Якутия)